Kort en duidelikBestelvoorwaardes & privaatheid

By wie koop jy

Vrystaat Somer is 'n Deli-icious! Catering-handelsmerk, Fichardtpark, Bloemfontein. WhatsApp/bel 065 837 8281 · [email protected].

Bestelling en bevestiging

Jou bestelling is eers by ons wanneer jy die boodskap in WhatsApp of e-pos stuur. Ons bevestig dit dan met die betaalbesonderhede. Pryse is in Rand en geld soos op die webwerf op die dag van jou bestelling.

Betaling

Slegs EFT. Gebruik jou bestelnommer as verwysing en stuur jou bewys van betaling op WhatsApp.

Versending en afhaal

Ons versend binne 2 dae ná betaling. Pudo-kassie regoor Suid-Afrika (geen deur-aflewering), 1-4 werksdae. Die Pudo-fooi is per pakkie: tot 2 geskenkbokse pas in een kassiepakkie (R69 elk), los souse pas saam in, en elke Staal Braaier is sy eie pakkie (R89). Gratis afhaal in Fichardtpark, gereed binne 2 dae ná betaling – ons WhatsApp die adres.

Beskadig of verkeerd ontvang?

Meld skade asseblief binne 48 uur ná afhaal by ons aan, met foto's wat die skade wys soos die pakkie by die Pudo-kassie afgehaal is (die verpakking en die inhoud). Ons het dit nodig vir die versekeringseis by die koerier (The Courier Guy). Ons los dit dan vir jou op. Buiten dit aanvaar ons geen terugsendings op voedselprodukte nie.

Terugsendings

Weens voedselveiligheid aanvaar ons geen terugsendings op voedselprodukte nie.

Kansellasies

Jy kan jou bestelling kanselleer voordat dit versend of vir afhaal gereed gemaak is – laat weet ons net so gou moontlik op WhatsApp.

Privaatheid (POPIA)

Ons gebruik jou naam, selnommer, e-pos en Pudo-kassie net om jou bestelling te verwerk en af te lewer. Ons verkoop of deel dit nie vir bemarking nie. Jou mandjie word net op jou toestel gestoor totdat jy dit stuur. Die webwerf gebruik privaatheidsvriendelike, koekie-vrye besoekerstatistiek (Cloudflare Web Analytics). Jy kan enige tyd vra watter inligting ons van jou het, of dat ons dit regstel of uitvee.

Hierdie is 'n kort opsomming, nie volledige regsvoorwaardes nie. Laas bygewerk: 16 Oktober 2026.